ساھتي جا شاعر
مسرور پنائي
نالو: محمد خان سولنگي
والد جو نالو: نبي بخش سولنگي
تخلص: مسرور پنائي
جنم ڏينھن: 25 آڪٽوبر 1947
وفات: 10 آگسٽ 2004
ڪرت: استاد
ڳوٺ: پنو سولنگي
ڇپيل ڪتاب: زندگي ماڪ ڦڙا (شاعري)
اڻ ڇپيل مواد: تمام گھڻو
سڃاڻپ: شاعر
شاعري
ٻاجھر جھليا سنگ او سانول!
تو لئه اٻاڻڪا لنگھہ او سانول!
آڀون آڀون جوار به جاني!
تنھنجي ساماڻي ڪنوار به جاني!
ڦارون پايان، ڍارا ڍاريان،
نيبھ ھجني ننگ او سانول!
پيھن تي ٿيون اجرڪ ڇائون،
ساريان توکي، چونڊيان سائون،
بوڙينڊن جي لھرن لوڙھيو،
دوريون ڪري وئين دنگ او سانول!
ڪونه ٻڌان ٿي شام سويرو،
تنھنجي آواز ۾ ھور ڙي ڳيرو،
ويتر ٿيان ٿي ڏسي ماندي،
خالي ھي روز پلنگ او سانول!
