غلام حسين ملاح
مونسان ملو مان آھيان غلام حسين ملاح المعروف گل سيوھاڻي پيار ۾ مونکي منھنجا والدين گلڻ به چوندا ھيا شاعري مون محمد جمن ملاح(مرحوم)جي گھر ۾ ۽ ڳوٺ ڪوٽ مياڻي محمد عيسي ملاح لڳ تاريخي شھر ٽلٽيء تعلقه سيوھڻ شريف اڳوڻون ضلع دادو ھاڻوڪي ضلع ڄامشورو ۾ جنم ورتو آھي ابتدائي تعليم معروف ريڊيو ٽي وي اسٽيج جي اداڪار نور محمد لاشاري مرحوم جي والد جي نالي جي پرائمري اسڪول لعل خان لاشاريءَ ۾ حاصل ڪئي۽ مڊل اسڪول آراضيء مان اٺ ڪلاس پاس ڪري ميٽرڪ گورنمنٽ بوسئز ھاء اسڪول ڪوٽڙيءَ مان ڪئي تنھن بعد ايف اي مسلم سائنس ڪاليج حيدرآباد مان پاس ڪري غربت سبب وڌيڪ پڙھڻ بجاء نوڪريءَ کي ترجيع ڏني ھئي اھڙي طرح مختلف کاتن جھڙوڪ ڪارپوريشن مان ٿيندي پاڪستان ريلوي، پاڪستان پوسٽ آفيس،ايگريڪلچر،ايريگيشن،پوليس ڊپارٽمينٽ، تعليم کاتي کان ٿيندو صحت کاتي مان بطور ڊسٽرڪٽ سپپرينڊنٽ ويڪسينيٽرس جي ريٽائرمنٽ ورتي آھي ادب سان بچپن کان چاھ رھيو اٿم جنھن جي ڪري شعر و شاعري ڪندو اچان جنھن ۾ ٻاراڻي ادب کان گيت لکندي پنھنجي شاعري جي شروعات ڪئي جيڪا لوڪ شاعري تائين پھتي جنھن ۾ مولود قصيدہ غزل ڪافي وايون بيتن جھڙين صنفن تائين جاري و ساري آھي سنڌي ادبي سنگت شاخ سيوھڻ شريف جو ھن وقت بہ آڊيٽر آھيان منھنجي شاعري سنڌ جي معروف لوڪ فنڪارن پنھنجي آواز جي جادوءَ ۾ ريڪارڊ ڪئي آھي ان ۾ جلال چانڊيو،ثمينه ڪنول،الھداد زرداري،گلشير تيوڻون،نياز ملاح،عرس چانڊيو،فوزيه سومرو ۽ ٻيا کوڙ سارن لاڙ اتر جا لوڪفنڪار شامل ھيا جن پنھنجي آواز ۾ ريڪارڊ ڪري سنڌ جي ڪنڊ ڪڙڇ ۾ مونکي متعارف ڪرايو آھي ھن وقت مان پنھنجي زندگيء جا آخري خوبصورت لمحہ پاڪستان اسٽيٽ لائف انشورنس زون حيدرآباد ۾ بطور سيلز مئنيجر جي خدمتون سر انجام ڏئي رھيو آھيان جڏھن ته مون مسڪين جي رھائش جڳ مشھور اولياء الله بزرگ ھستي حضرت لعل شھباز قلندر جي ننگريء سيوھڻ شريف ۾ مرشد لعل شھباز قلندر جي پيرا ديء کان واقع جان محمد ڀٽي ڪالوني ملاح محلو لڳ جھاز چوڪ سيوھڻ شريف ۾ واقع آھي ھن مختصر تعارف سان گڏ دعائن ۾ ياد ڪندا ته نوازش ٿيندي فقط اوھان جو خادم دعاڳو ۽ طالب دعا:-«گل سيوھاڻي»
فون نمبر 03013329635 03337033648
