بايوڊيٽا
اصل نالو : اعظم ڀٽي
پيءَ جو نالو : محمد اشرف ڀٽي
جنم : 6 جولاءِ 1977ع
جنم جو هنڌ : پير محلا ٽنڊو محمد خان
پتو : پير محلا لڳ ٽيليفون ايڪسچينج ٽنڊو محمد خان
رابطو۽ واٽس ايپ : 03332807110
اazam772003@ yahoo.co اي ميل :
فيس بڪ :
https://www.facebook.com/azam.bhatti.370
تعليم :
پرائمري : گورنمينٽ پرائمري اسڪول ڀٽي محلا ٽنڊو محمد خان
مڊل : گورنمينٽ رمضان ميموريل مڊل اسڪول ٽنڊو محمد خان
مئٽرڪ : دارالعلوم هاءِ اسڪول ٽنڊو محمد خان ( 1993ع )
انٽر : گورنمينٽ بوائز ڊگري ڪاليج ٽنڊو محمد خان ( 1995ع )
بي . اي : سنڌ يونيورسٽي ڄامشورو (1998ع )
ايم .اي : : سنڌ يونيورسٽي ڄامشورو ( 2000ع ) پوليٽيڪل سائنس ۾
بي ڪام : سنڌ يونيورسٽي ڄامشورو (2008ع )
پي ٽي سي :
بي ايڊ :
لکڻ جي شروعات : 1990ع ، ٻاراڻي ادب کان
ادبي سڃاڻپ : اعظم ڀٽي
نوڪري : روينيو کاتي ۾ جونيئر ڪلرڪ
ڇپيل مواد : سنڌي ٻارڙا ، سنڌي ٻار ، گل ڦل ، هفتيوار سنڌو ڊائجيسٽ، عبرت مئگزين ، هزار داستان، ڪاوش مئگزين ، بختاور مئگزين، مهراڻ مالها ، سُرهاڻ مئگزين ، لوڪ مئگزين ، گلشن لاڙ مئگزين ، بي نقاب مئگزين ، شهيد راڻي مئگزين، احساس مئگزين، ماوار همسري، ٽماهي حڪمت لقمانيه ، پندرنهن روزه ڏات اخبار ، ماهوار ڀٽي نيوز، هفتيوار حق جو هوڪو، هفتيوار ”ماڳ“ ، هفتيوار ، ماروئڙا نيوز ، هفتيوار ڦليلي، روزاني آفتاب، روزاني بختور ، روزاني سوال، روزاني بختور، روزاني عبرت، روزاني عوامي آواز ، روزاني هلال پاڪستان ، روزاني خبرون ، روزاني ڪاوش، روزاني شام ، روزاني ڪوشش ، روزاني عوامي فورم، هنڱوراڻا سنڌ ، روزاني فيصلو، روزاني سنڌ، روزاني هلچل، روزاني تعمير سنڌ ، روزاني مهراڻ، روزاني جيجل، روزاني سنڌ ايڪسپريس ، روزاني سنڌ ، روزاني عوامي سنڌ، روزاني امڪان ، روزاني ارادو،
طبع آزمائي ڪيل صنفون : غزل ، وائي ، نظم ، آزاد نظم، نثري نظم ،نئين ڪويتا ، ڏيڍ سِٽا، بيت ، دوهو، ٽيڙو، چئوسٽا ، قطعا ، فرد، مقالا ، مضمون ، ڪالم ، ڪهاڻيون، سوانحي خاڪا، ڊرامون .
ڇپيل ڪتاب :
گڏيل شاعري جا مجموعا :
“ شاعري ڳالهائي ٿي ” / مرتب : غلام مصطفى سولنگي ،
“ سُخنوَر سنڌ ڌرتيءَ جا ” / مرتب : احساس ميرل
گڏيل نثر :
“ تخليقڪارن سان ڪجهه پل ” / مرتب : ڊاڪٽر مشتاق ڦُل
“ ويساهن جو وچن ” / ايوب کوسي جا خط
ڪتابن جا مهاڳ ، تبصرا ، تجزيا ، رايا ۽ تعارف : ٽنڊو محمد خان جي تاريخي ۽ ترقياتي سفر جو تنقيدي جائزو ( حڪيم محمد يوسف کتري ) ،ڳوڙهن ٻُڪ ۾ چنڊ ( عاشق ڳاهو جو شعري مموعو ) ، سنڌ ۽ سچ جي ساڃاهه ( مشڪور ڦلڪارو جو شعري مجموعو ) ، سنڌي جي ڪوهستان جو تاريخي جائزو ( مشڪور ڦلڪارو)، رُوپ سُندرتا ( سومار سنگم جو شعري مجموعو ) ، اُڃارو جيون ( سومار سنگم جو شعري مجموعو ) ، توسان ڪهڙيون رِيسون ( نثار احمد ناز جو شعري مجموعو ) ، ڪڪر منجهه ڪپار ( پير بخش پياسي شعري مجموعو ) ، سروس بخير ( اقبال بلوچ جون يادگيريون ) ، مسافر وفائون ( مسافر هاليپوٽي جو شعري مجموعو )
اڻڇپيل مسودا : ٽنڊو محمد خان جي صحافتي تاريخ / منهنجا مور ماڻهو ( سوانحي خاڪا)/ ٽنڊو محمد خان جي تاريخ / ٽنڊو محمد خان جي ڪتابن جي دنيا / منهنجا قول قرار ( شاعري) / ليڪا منهنجون لکڻيون ( مضمون ۽ ڪالم ) ، ٽنڊو محمد خان جي لائبريرين جي تاريخ / سنڌي ادبي سنگت ٽنڊو محمد خان جي تاريخ / “ ڪلائن جو ڪٺ ” (ٽنڊو محمد خان جي شاعرن جي شاعري جو گڏيل مجموعو.)
ذاتي لائبريري : موجود لڳ ڀڳ ٻه هزار ڪتاب
مليل ايوارڊ ، شيلڊون ، تمغا ، سرٽيفڪيٽ :
سورٺ لائبريري ٽنڊو محمد خان پاران ” حسن ڪارڪردگي سرٽيفڪيٽ“
سنڌي ادبي سنگت شاخ ٽنڊو محمد خان ” حسن ڪارڪردگي سرٽيفڪيٽ“
جيئي سنڌ قومي محاذ ضلعي ٽنڊو محمد خان پاران ” مڃتا سرٽيفڪيٽ “
بهبود آبادي کاتي ٽنڊو محمد خان پاران ” مڃتا سرٽيفڪيٽ “
پاڪستان پريس فائونڊيشن (پي پي ايف ) پاران ” سرٽيفڪيٽ “
انٽر نيوز نيٽ ورڪ پاران ”سرٽيفڪيٽ “
گرين ايڪر نييٽ ورڪ پاران ”سرٽيفڪيٽ “
ڊسٽرڪٽ گورنمينٽ ٽنڊو محمد خان پاران مڃتا سرٽيفڪيٽ
نورالاسلام ايجوڪيشنل اينڊ ويلفيئر سوسائٽي پاران بهترين ڪاڪردگي ايوارڊ 2015ع
سنڌي ادبي سنگت سنڌ مرڪز پاران “ سنڌ سنگت مڃتا ايوارڊ ” 16 آڪٽوبر 2016ع
ساٿ فلاحي تنظيم ٽنڊو محمد خان پاران بهترين ڪارڪردگي ايوارڊ 2016ع
شيخ ممون ايوارڊ 2017ع
سنڌ سنوڪر ڪلب ٽنڊو محمد خان پاران بهترين ڪارڪردگي ايوارڊ 2018ع
شيخ ممون ايوارڊ 2018ع
ٽنڊو محمد خان آءِ ڪئمپس آرگنائيزنگ ڪميٽي پاران گولڊن جوبلي ايوارڊ 2020ع
تنظيمي وابستگيون :
ماضي ۾ :
سنڌي فلاحي تنظيم ٽنڊو محمد خان جو ميمبر
سنڌ نوجوان ترقي پسند تنظيم ٽنڊو محمد خان جو پريس سيڪريٽري
ساٿ ايجوڪيشنل ۽ ويلفيئر ايسوسيئيشن ٽنڊو محمد خان جو ميمبر
لطيفي ادبي فورم ٽنڊو محمد خان جو ميمبر
جي ايم سيد ادبي فورم ٽنڊو محمد خان جوجنرل سيڪريٽري
جيئي سنڌ اسٽوڊنٽس فيڊريشن ٽنڊو محمد خان جو ضلعي جنرل سيڪريٽري
جيئي سنڌ قومي محاذ ٽنڊو محمد خان جو تعلقه خزانچي
جيئي سنڌ قومي محاذ ضلعي حيدرآباد جو پريس سيڪريٽري
مدني سوشل ويلفيئر ايسوسيئيشن ٽنڊو محمد خان جو ميمبر
عوامي ادبي فورم ٽنڊو محمد خان جو ميمبر
محمد خان غني ادبي تنظيم جو ميمبر
تعلقه پريس ڪلب ٽنڊو محمد خان جو جنرل سيڪريٽري
ڊسٽرڪٽ پريس ڪلب ٽنڊو محمد خان جو جوائنٽ سيڪريٽري
سنڌي ادبي سنگت شاخ ٽنڊو محمد خان جو ٻه ڀيرا سيڪريٽري (جون 2013ع کان جون 2015ع تائين)
مهراڻ ادبي سٿ سنڌ جو مرڪزي پريس سيڪريٽري ( 2012ع کان 2015ع تائين)
يونين آف جرنلسٽس ٽنڊو محمد خان جو جنرل سيڪريٽري (جون 2013ع کان 2014ع تائين)
مهراڻ ادبي سٿ سنڌ جو مرڪزي صدر( 2016ع کان 2018ع تائين)
مهراڻ ادبي سٿ سنڌ جو مرڪزي رابطه سيڪريٽري ( 2018ع کان 2019ع تائين)
ڊسٽرڪٽ پريس ڪلب جي ڪلچرل ڪميٽي جو ميمبر ( 2016ع کان 2017ع تائين )
لطيفي سوشل ويلفيئر ايسوسيئيشن ٽنڊو محمد خان جو جنرل سيڪريٽري 2011ع کان 2019ع تائين)
موجوده وقت ۾ :
سنڌي ادبي سنگت ضلعو ٽنڊو محمد خان جو رابطه سيڪريٽري جون 2015ع کان هن وقت تائين)
مهراڻ ادبي سٿ سنڌ جي مرڪزي ڪميٽي جو ميمبر
انجمن ترقي پسند مصنفين ٽنڊو محمد خان جو آرگنائيزر
مثبت نتيجن جي رنگيني ارپيندڙ ڪردار - اعظم ڀٽي
اڪرم ڀٽي
ڪن فردن جون خدمتون ، محنتون ۽ جستجو ، اداران جي حيثيت رکندڙ هونديون آهن ، اهي فرد پنهنجي خدمتن واري ان سفر جي ڪري ادارن جي سڃاڻپ بڻجي ويندا آهن ، جڏهن اها سڃاڻپ بارش جي ڪڻي جيان زمين ۾ جذب ٿيڻ جي شڪل ڌاري وٺندي آهي ته اهي فرد ۽ ادارا هڪٻئي لاءِ لازم ۽ ملزوم بڻجي ويندا آهن ، اها الڳ ڳالهه آهي ته ڪن فردن جي سڃاڻپ جو فقط هڪ محدود شعبو هوندو آهي پر جيڪي فرد هڪ ئي وقت لاتعداد شعبن ۽ ادارن جي سڃاڻپ بڻيل هجن ، انهن کي تاريخ پنهنجو جائز مقام ضرور ڏيندي آهي ، اهڙو ئي هڪ فرد جنهن ننڍي وهيءَ کان ٻولي، علم ، ادب ، ثقافت ، سياحت، قومي سياست ، صحافت ، تحقيق ۽ سماجي خدمتن جي ميدان ۾ جستجو جا ننڍڙا ٻُوٽا لڳائڻ شروع ڪيا ، اهي اڄ وڌي وڻ ٿي چڪا آهن ۽ ان جي ثمر جي خوشبوءَ واهڻ وستيءَ تائين پهچي چڪي آهي ، هو پنهنجي عملي ڪردار ، علمي۽ ادبي سڃانپ ، شاندار اخلاق ، بهترين مزاج ، رواداري ۽ ڀائپي جي مجسمي طور هن وقت سنڌ جي سرگرم ڪردارن سان گڏ بيٺل آهي ۽ پنهنجي سفر کي مثبت انداز ۾ نتيجن جي رنگيني ارپي رهيو آهي ، ان رنگيني ڪيترن ئي ادارن کي متحرڪ ڪري ، خوشحالي جو آسمان جوڙي ورتو آهي ، اسانجي سماج ۾ تمام اهڙا گهٽ ڪردار آهن جن مختصر وقت ۾ ايتري پذيرائي حاصل ڪئي آهي ، جنهن پذيرائي تي رشڪ ڪرڻ کانسواءِ رهي نٿو سگهجي ، اهڙن تاريخي ڪردارن مان اعظم ڀٽي به هڪ آهي ، اعظم ڀٽي نوجوان ليکڪ ، شاعر، نثرنويس، مضمون نگار ، محقق ۽ بهترين ڪمپيئر آهي۔ سندس والد جو نالو محمد اشرف ڀٽي آهي، سندس جنم 6 جولائي 1977 ۾ پير محلي ٽنڊو محمد خان ۾ ٿيو۔ پرائمري تعليم گورنمينٽ پرائمري اسڪول ڀٽي محله مان حاصل ڪيائين. 1993ع ۾ دارالعلوم هاءِ اسڪول ٽنڊو محمد خان مان ميٽرڪ،1995ع ۾ گورنمينٽ بوائز ڪاليج ٽنڊو محمد خان مان انٽر سائنس ، 1998 ۾ بي اي ۽ 2001 ۾ سنڌ يونيورسٽي مان پوليٽيڪل سائنس ۾ ايم اي ڪيائين۔ جنهن بعد بي ڪام ، پي ٽي سي ۽ بي ايڊ جي ڊگري پڻ حاصل ڪيائين، اعظم ڀٽي گھڻ رُخي شخصيت رهيو آهي انهيءَ ڪري سندس مشغلن ۾ صحافت ،ڪمپئرنگ ، شاعري، مضمون نويسي، مقالا ، سوانحي خاڪا ، ڪالم نويسي، تحقيق ، علم وادب سان وابستگي سندس محبوب مشغله رهيا آهن ۔ هن قومي سياست ۾ پڻ پنهنجو هڪ متحرڪ ڪرادر دا ڪيو ، صحافت ڪيائين ته ان ۾ به روايتي صحافت کان هٽي ڪري پنهنجي هڪ منفرد حيثيت مڃايائين علم و ادب ۾ ڪالم نويسي ، مضمون نويسي، تحقيقي مقالا . شاعري ، سوانحي خاڪا ۽ ڪهاڻين لکڻ تي عُبور حاصل اٿس ، مختلف موضوعن تي تحقيق جو جنون جاري اٿس، سندس ڪهاڻيون ، مضمون ، مقالا، ڪالم، فيچر ، سوانحي خاڪا، شاعري ۽ ٻيون تحريرون پندرهن روزه عبرت مئگزين ، مهراڻ ، هزار داستان ، سنڌو ڊائجيسٽ، بختاور مئگزين، سنڌي ٻارڙا، سنڌي ٻار، گل ڦل، سلسليوار بي نقاب، مهراڻ مالها مئگزين، سُرهاڻ مئگزين ، شهيد راڻي مئگزين، لوڪ مئگزين، گلشن لاڙ مئگزين، سڦلتا مئگزين سميت روزاني آفتاب، بختور ، عبرت، عوامي آواز ، هلال پاڪستان ، خبرون ، ڪاوش، شام ، ڪوشش ، عوامي فورم ، فيصلو، تعمير سنڌ ، مهراڻ، جيجل، سنڌ ايڪسپريس ، پندرنهن روزه ڏات اخبار ، هفتيوار ”ماڳ“ ، هفتيوار ”ماروئڙا نيوز“ ، هفتيوار ڦليلي سميت سنڌي ڪيترن ئي اخبارن ، رسالن ، مئگزينن ۾ سندس لکڻيون ڇپجي چڪيون آهن، ستين درجي ۾ پڙهن دؤران ٻاراڻي ادب کان لکڻ جي شروعات ڪيائين، 1995ع ۾ روزاني آفتاب اخبار کان باقاعده صحافت جي شروعات ڪيائين. روزاني بختور ، سوال ، سنڌ ، تعميرسنڌ ، عوامي فورم ، خبرون اخبارن جو ٽنڊو محمد خان ۾ ڪيترو ئي عرصو رپورٽر رهيو. ٽنڊو محمد خان مان نڪرندڙ ”ڏات“ اخبار جو 1999ع ۾ ايڊيٽر رهيو۔ 2011 کان 2013ع تائين ”هفتيوار ماروئڙا نيوز “ ٽنڊو محمد خان جي ايڊيٽوريل صفحي جو انچارج ،2014ع ۾ حيدرآباد مان شايع ٿيندڙ مئگزين ”مهراڻ مالها “ مئگزين جو اسسٽنٽ ايڊيٽر، 2014ع کان حيدرآباد مان شايع ٿيندڙ مئگزين ” شهيد راڻي “ جي سهڪاري سٿ ۾ شامل رهيو۔ ادبي وابستگي جي حوالي سان ڪيترن ئي سالن کان سنڌي ادبي سنگت سان سلهاڙيل آهي، ان کان علاوه مهراڻ ادبي سٿ ، مهراڻ ادبي فورم، لطيفي ادبي فورم، محمد خان غني ادبي تنظيم جي ادبي سفر ۾ همسفر رهيو، 15 جنوري 2012ع تي سنڌي ادبي سنگت شاخ ٽنڊو محمد خان جي ڪاروباري ڪميٽي جو ميمبر چونڊيو ويو۔ سرگرم ڪردار سبب 26 جون 2013ع تي سنڌي ادبي سنگت شاخ ٽنڊو محمد خان جو سيڪريٽري چونڊيو ويو، جنهن دوران هن نه رڳو ٽنڊو محمد خان جي ليکڪن جون ورسيون ملهائڻ، ڪتابن جون مهورتي تقريبون ڪرائڻ، شامون ملهائڻ پر حال حيات اديبن ، دانشورن ، شاعرن ، ليکڪن جون سالگره تقريبون منعقد ڪرائڻ جي نئين روايت وڌي ، جنهن روايت کي پوري سنڌ ۾ وڏي پذيرائي ملي ، کيس 2 جون 2014ع تي ٻيهر سنڌي ادبي سنگت شاخ ٽنڊو محمد خان جو سيڪريٽري چونڊيو ويو. مسلسل ٻه سال شاخ جي سيڪريٽري رهڻ بعد 19 اپريل 2015ع ۽ 21 جولاءِ 2017ع تي مسلسل ٻه ڀيرا سنڌي ادبي سنگت ضلعي ٽنڊو محمد خان جو بنامقابلي ضلعي رابطه سيڪريٽري چونڊيو ويو. کيس اهو اعزاز حاصل آهي ته سنڌي ادبي سنگت شاخ ٽنڊو محمد خان جي سيڪريٽري جي حيثيت ۾ 2015ع ۾ سنڌي ادبي سنگت جي مرڪزي ڪاروباري ڪميٽي جي اجلاس جي صدارت پڻ ڪيائين ، جيڪو اعزاز اڄ ڏينهن تائين ٽنڊو محمد خان جي ڪنهن به اديب ، دانشور ۽ شاعر کي حاصل نه ٿيو آهي. کيس اهو به اعزاز حاصل آهي ته 9 جون 2017ع تي سنڌي ادبي سنگت جي هڪ تنظيمي مامري تي ضلعي رابطه سيڪريٽري جي حيثيت ۾ مرڪزي انڪوائري ڪميٽي جو سربراهه پڻ مقرر ٿيو، جيڪو اعزاز پڻ اڄ ڏينهن تائين ٽنڊو محمد خان جي ڪنهن به ليکڪ کي نصيب ناهي ٿيو،2014ع کان 2016ع تائين مهراڻ ادبي سٿ سنڌ جو مرڪزي پريس سيڪريٽري رهيو، جنهن بعد 17 جولاءِ 2016ع کان 6 مئي 2018ع تائين مهراڻ ادبي سٿ ، سنڌ جو مرڪزي صدر رهيو ، مئي 2017ع ۾ سنڌ ڀٽي برادري تنظيم ضلعي ٽنڊو محمد خان جو ضلعي صدر منتخب ٿيو، مئي 2018ع ۾ سنڌ گريجوئيٽس ايسوسيئيشن ( سگا) کي ٽنڊو محمد خان ۾ ٻيهر منظم ڪيائين . تعلقه ، سٽي ۽ ڊسٽرڪٽ پريس ڪلب ۽ يونين آف جرنلسٽس ٽنڊو محمد خان جي مختلف عهدن تي ڪم ڪيائين۔ ڊسٽرڪٽ پريس ڪلب ٽنڊو محمد خان جي ڪلچرل ڪميٽي جو ميمبر ۽ سربراهه رهيو . ٽنڊو محمد خان ۾ ڪيترين ئي لائبريرين جي قيام ۾ حصو وٺي بهترين علمي، ادبي ، ثقافتي ۽ سماجي ڪردار ادا ڪيائين، سماجي وابستگي جي حوالي سان ٽنڊو محمد خان هسٽاريڪل سوسائٽي ، مدني سوشل ويلفيئر سوسائٽي ، سنڌ نوجوان ترقي پسند فلاحي تنظيم ، ساٿ ايجوڪيشنل اينڊ ويلفيئر ايسوسيئيشن ، لطيفي سوشل ويلفيئر ايسوسيئيشن ، سنڌي فلاحي تنظيم ٽنڊو محمد خان ، سنڌ اويئرنيس آرگنائيزيشن، سنڌ ڀٽي برادري تنظيم سميت مختلف پليٽ فارمن تان علمي ، ادبي ،ثقافتي ۽ سماجي سرگرمين ۾ مک ڪردار ادا ڪيائين۔ مئي 2018ع ۾ سنڌ گريجوئيٽس ايسوسيئيشن ( سگا ) کي ٽنڊو محمد خان ۾ ٻيهر سرگرم ڪرڻ لاءِ ڪوششون وٺي ان جي تنظيم سازي ۾ بنيادي ڪردار ادا ڪيائين ، هن وقت ٽنڊو محمد خان جي تاريخ ، علمي ، ادبي ،ثقافتي ، سياسي ۽ سماجي شخصيتن تي ۽ ٽنڊو محمد خان جي صحافتي تاريخ تي بهترين تحقيقي ڪم سرانجام ڏنو اٿس۔ سندس تخليقي ڪاوشون مختلف اخبارن ۽ رسالن ۾ ڇپجڻ سان گڏوگڏ انٽرنيٽ ۽ سوشل ميڊيا تي پڻ اپ لوڊ ٿيل آهن. فوٽو گرافي محبوب مشعلو اٿس، تاريخي جاين ، ماڳن ۽ مڪانن جا ڦوٽو ڪڍي سوشل ميڊيا ۽ انٽرنيٽ تي انهن جي معلومات سميت اپلوڊ ڪندو رهي ٿو، ٽنڊو محمد خان ۾ علمي ، ادبي ۽ ثقافتي محفلن منعقد ڪرڻ وارين سمورين ڪوششن جي لحاظ کان ٽنڊو محمد خان ۾ سندس نالو سرفهرست رهيو آهي، هن وقت به شاعري سان گڏ ڪهاڻيون، مضمون ، تجزيا، ڪالم، سوانحي خاڪا ، مقالا ۽ مختلف ڪتابن جا مهاڳ لکي ، ڪُل وقت سنڌي ٻولي ، علم ۽ ادب جي خدمت ڪندي گذاري رهيو آهي. سندس اڻڇپيل مسودن ۾ “ ٽنڊو محمد خان جي تاريخ” ، “ منهنجا مور ماڻهو“ ( سوانحي خاڪا ) ، “ ليڪا منهنجو لکڻيون” ( مضمون ۽ ڪالم ) ، “ منهنجا قول قرار ” ( شاعري) ۽ “ ٽنڊو محمد خان جي ڪتابن جي دنيا ” شامل آهن . علمي ، ادبي ، سياسي ، سماجي سفر ۾ هن ڪيترائي من گهُريا دوست ٺاهيا ، سندس وڏي خُوبي اها آهي جو هو هر هنڌ ، هر پليٽ فارم تي دوستن کي هر ممڪن پذيرائي ڏياراڻ جي ڪوشش ڪندو رهيو آهي ، سندس اها ادا ئي کيس دوستن وٽ محبوبيت جو مقام ارپي چڪي آهي . سندس هر دلعزيز شخصيت هر حلقي ۾ مثبت اهميت جي حامل آهي ، هو جتي به رهيو دوستن جا قافلا جوڙيندو رهيو آهي ، دوستن کي گڏ ڪرڻ ، متحرڪ ڪرڻ ، ڪو لاڀائتو ڪردار ادا ڪرڻ جي اهليت سندس دوستن وٽ به عزت ۽ احترام جي تقدس جو ناياب مثال آهي ، هو جتي تنهائي کي ميلن ۾ تبديل ڪرڻ جو ماهر آهي ، اتي مچايل ميلن کي چارچنڊ لڳائڻ جي هنر کان به چڱي ريت واقف آهي ، ان ڪري ئي سندس وسيع دوستي جو حلقو سندس راءِ کي اهميت ڏيڻ کان نٽائي نه سگهندو آهي ، هو جتي پنهنجي بزرگ اديبن ، دانشورن ، شاعرن جي شفقت جو گهرجائو رهندو آيو آهي ، اُتي پنهنجي همعصر نئين ٽهيءَ لاءِ به ڇپر ڇانوَ بڻيل رهندو آيو آهي . سندس ڪاميابي جو اهم راز سکڻ ۽ سيکارڻ واري راهه تي مسلسل سرگرم رهڻ آهي ، ڪنهن به مثبت سرگرميءَ کانسواءِ واندو ويهڻ سندس لاءِ ڄڻ ته مهڻو بڻيل آهي ، هو هڪ متحرڪ وجود آهي ، جيڪو زندگي جي سفر جي حقيقي مقصد واري راهه تي هر دم جستجو جي جهان ۾ مگن رهندو پيو اچي ، شال سندس محنت ، مشقت ۽ جدوجهد جا سمورا رنگ مثبت نتيجن جي رنگيني پکيڙيندا رهن ، شال سندس ڪردار ديومالائي ڪٿائن کان اڳڀرو ٿي بيهي . شال ترقي پسندي جا تارا سندس زندگيءَ کي هميشه روشن رکن .
اڪرم ڀٽي / پير محلا ٽنڊو محمد خان
