گل حيات ۾ موجود ڪتاب ” سنڌ جي تاريخ جا وکريل ورق“ 1994.سنڌ جي نالي واري اسڪالر،محقق،۽ تاريخدان سائين ڊاڪٽر ميمڻ عبدالمجيد سنڌي جا اھي مختلف مقالا آھن جيڪي ھن ڪيترن ئي موضوعن تي وقت بوقت پئي لکيا آھن.ھونئن بہ سنڌ جي تاريخ تي گھٽ لکيو ويو آھي.سنڌ جي تاريخ تي ڪيترائي اونداھا تھ چڙھيل آھن،جنهن ڪري قديم تاريخ سلسلي وار ملڻ محال ٿي پئي آھي.ان ھوندي بہ آثار ۽ اُھڃاڻ سنڌ جي اعلىا تھذيب ۽ تمدن جي ساک ڀرين ٿا.موھن جو دڙو سنڌ جي قديم تھذيب ۽ تمدن جو عظيم اھڃاڻ آھي.جنهن مان ثابت ٿئي ٿو تہ آرين جي اچڻ کان اڳ،اڄ کان پنج ھزار سال پھريان سنڌ ھڪ خوشحال ۽ مھذب ملڪ ھو.موھن جي دڙي مان ثابت ٿئي ٿو تہ قديم زماني ۾ سر زمين سنڌ نھايت سر سبز ۽ شاداب ھئي ائين بہ ٿي سگھي ٿو تہ موھن جي دڙي وارو شھر سرزمين سنڌ جو مرڪز ۽ گاديءَ وارو ھنڌ ھجي.
(ممتاز پٺاڻ)
