گل حيات ۾ موجود ڪتاب ” روشن ڇانورو “ سنڌي ڪھاڻيون. ھي ڪتاب ثميره زرين جو لکيل آھي ۽ سال 1989 ۾ ڇپيو.سنڌ جي ھي خوبصورت ليکڪا اڄ اسان ۾ موجود ڪون آھي.پر دنيا ۾ جيستائين سنڌي ادب جيئرو ھوندو ان وقت تائين ھوءَ زندھ رھندي.ھن پنهنجي خوبصورت ڪھاڻين کي جيڪو رنگ ڏنو آھي اھو رنگ اسان جي ايندڙ نسلن جي دلين ۾ قائم رھندو.ھن اسان جي لاءِ خوبصورت ڪھاڻيون ڇڏيون آھن.ھو ھڪ منفرد ڪھاڻيڪار ھئي جنهن پنهنجي سماج پنهنجي ٻوليءَ پنهنجي ئي طبقي جي قلم وسيلي ترجماني ڪئي آھي.ھن پنهنجي ڪھاڻين ۾ پنهنجي ئي ماحول جي عڪاسي ڪئي آھي.سندس ھنن ڪھاڻين ۾ ننڍڙيون ننڍڙيون خوشيون،ڏک،محبتون ۽ نفرتن جو عڪس شامل آھي.اڄ سندس ڪھاڻي پڙھندي ڀل وڌندڙ وقت جو پتو پئي نہ پئي پر پوئين وقت جي پوري سچائيءَ جو ساءُ ضرور اچي ٿو ھن جيترو بہ لکيو سچ لکيو.ھن سڄي ڌرتيءَ جو زھر پنهنجي اندر ۾ اوتي موٽ ۾ خوبصورت جملا ڏنا.
(ممتاز پٺاڻ)
