ممتاز پٺاڻ
(گل حيات جي ميڙي چونڊيءَ مان)
” شخصيتن بابت گل حيات جي ويب سائيٽ تي اپ لوڊ ٿيل مواد“
گل حيات انسٽيٽيوٽ شخصيتن، ادارن ۽ واقعن کي ڌيان ۾ رکي تاريخي اھميت وارو مواد گڏ ڪندو آھي. مون سڄي ڄمار ايترو تہ مواد گڏ ڪيو آھي جيڪو جيڪڏھن ڇپرائجي تہ ٻن اڍائي ھزار ڪتابن کان مٿي ٿي ويندو. مون ڪڏھن ڪنهن سرڪاري يا درٻاري اداري کي ڏاڪڻ بڻائي ان جي مالي ذريعن وسيلن مان فائدو وٺي پنهنجا مفت ۾ ڪتاب ڪون ٿو ڇپرائي سگهان. اھڙي ريت جيڪي ڏوڪڙ ميڙيا اٿم انهن منجهان مواد ،ڪتابن ۽ اخبارن رسالن جي خريداري بہ ناممڪن آھي ان ڪري پاڻ پنهنجي پئسن تي ڪتاب ڇپرائڻ بہ ناممڪن آھي. سڀ کان وڏو مونجهارو ھي آھي تہ ھڪ طرف مان ڪيترن دوستن جي نظرن ۾ متنازعہ شخصيت آھيان ۽ ٻئي طرف وري ڪيترن دوستن کي يقين ئي ڪون ٿو اچي تہ مون وڏو ڪم ڪيو آھي ۽ ڪتابن لکڻ جي حوالي سان ڪيترن عالمن جو رڪارڊ ٽوڙي چڪو آھيان. غير سرڪاري اشاعتي ادارا منهنجي ڪتابن ڇپرائجڻ جي مالي سگه نٿا رکن. منهنجي مئي پڄاڻان بہ ڪوئي ادارو ٺاھي منهنجا ڪتاب ڪون ڇپرايا ويندا. اھي ڳالھيون ڳڻيندي مون پنهنجي ويب سائيٽ ٺاھي آھي جنهن تي مان پنهنجا لکيل ڪتاب بہ رکان ٿو ۽ اھي ناياب ڪتاب بہ رکان ٿو جيڪي مون تہ نہ لکيا آھن، پر اھي محققن لاءِ معلومات جو وڏو ذريعو آھن.
شخصيتن بابت جيڪو مواد مون ويب سائيٽ تي رکيو آھي اھو منهنجو لکيل بہ آھي ۽ ان ۾ ٻين جا لکيل ۽ ترتيب ڏنل ناياب ڪتاب پڻ آھن. اوھان ويب سائيٽ تي “صحافت“ وارو بٽڻ کوليندا تہ ان ۾ اوھان کي سوين ايڊيٽرن ۽ صحافين جي زندگي جو احوال سنڌي ۾ لکيل نظر ايندو. وري جڏھن اوھان “ آن لائين لائبريريءَ “ جو بٽڻ کوليندا تہ ان ۾ “ ھوز ھو ائينڊ ييئر بوڪ “ جي سري ھيٺ کوڙ سارو مواد پڙھڻ لاءِ ملندو جنهن جا تفصيل ھن ريت آھن:
1. The Colourful Personalities of Sindh (2 Parts),
2. Who's Who & Why, Karachi,1932,
3.Indian and Pakistan Year Book, 1947 ( 7 Parts),
4. Who's Who of India, 1927,
5. Sindhi Nears & Dears to the British Government,
6.Luminaries,
7. Sorrows & Longings of Sindhi Freedom Fighters,
8. Who's Who of Sindhi Freedom Fighters.
Website is: www.drpathan.com. Go to Home Page to Online library to " Who's Who and Year Books".
Dr.Dur Muhammad Pathan
