[[[[[اسين رتي جا ماڻهو]]]]]
سلسلو: فيس بوڪ انٽرويو
ڪردار: سيد غضنفر علي راجا (شاعر)
انٽرويو: آخوند ساقي ابڙو (سيڪريٽري س-ا-س رتوديرو)
ااااااااااااااااااااااااااااااااااااااااااااااااااااااااااااااااااااااااااااااااا

سيد غضنفر علي راجا ڪنهن به تعارف جو محتاج نه آهي, هو رتيديري جي وڏي سياسي گهراڻي جي ادبي شخصيت آهي, سندس والد صاحب سيد وريل شاه ملڪ جي قدآور سياسي شخصيت هو تحريڪ آزادي ۾ سندس وڏو ڪردار هو, سيد غضنفر علي راجا پنهنجي والد سميت وڏي ڀاءُ سيد بچل شاه تابش نقوي (جيڪو پڻ شعلا بيان مقرر ۽ سياستدان هو) ۽ جسٽس ر سيد ديدار حسين شاه مرحوم (اڳوڻو چيف جسٽس آف سنڌ هاء ڪورٽ) سان گڏ سياست ۾ به تمام گهڻو سرگرم رهيو پر سنڌ ۾ سندس سڃاڻپ هڪ شاعر طور آهي, شاه صاحب وڏي تعداد ۾ شاعري سرجي آهي جنهن ۾ وڏو انگ غزلن جو آهي جنهنڪري ئي کيس غزل جو بادشاه شاعر سڏيو ويندو آهي سندس انٽرويو پڙهندڙ لاء حاضر آهي پڙهي پنهنجي راء کان ضرور آگاه ڪندا- (ساقي ابڙو)

1-مختصر تعارف (نالو, ولديت, ذات ۽ ڄم تاريخ)
**منهنجو نالو سيد غضنفر علي ولد سيد وريل شاه آهي جڏهن ته شاعري ۾ تخلص "راجا" آهي.

2-جنم ڀومي ۽ موجوده رهائش
**منهنجي جنم ڀومي رتوديرو شھر آهي

3-تعليم
**منهنجي تعليم سنڌي پنج درجا آهي

4-پروفيشنل ڊگري
**ڪا به نه

5-مھارت اگر آهي ته
**جهونا ماڻهو آهيون هاڻي مهارت ڪهڙي

6-ڪرت, پيشو يا ذريعه معاش
**سنڌ حڪومت جو ريٽائرڊ ملازم آهيان

7-سڃاڻپ جو حوالو
**هونء ته منهنجون سياسي ۽ سماجي خدمتون به آهن پر سڃاڻپ هڪ شاعر طور آهي

8-شعبو
**ادب, شاعري

9-وابستگي
**سنڌي ادبي سنگت رتوديرو سان وابستگي آهي جنهن جو فائونڊر ميمبر آهيان ۽ ڪافي سال شاخ رتوديرو جو ڪائونسلر رهيو آهيان

10-ڪيريئر جي شروعات
**تمام ننڍي عمر کان, ڇو جو منهنجو والد صاحب ملڪ جو هڪ مدبر سياستدان ۽ وڏو شاعر جنهنجي جي ٻالڪپڻ کان ئي بهترين تربيت ملي

11-شعبي جي چونڊ جو مقصد
**مون شاعري واري شعبي جي چونڊ ان ڪري ڪئي جو مان پنهنجن داخلي ۽ خارجي احساسن جو اظھار بهتر انداز سان ڪري سگهان ٿو, شاعري ۾ منهنجي اظهار جو انداز به پنهنجو آهي

12-پنهنجي شعبي ۾ ڪيل ڪارگذارين جو مختصر ذڪر جيڪي ڳڻائڻ جهڙيون هجن
**پنهنجا ڳڻ پاڻ ڪيئن ڳايان, سياسي سماجي ۽ ادبي حوالي سان منهنجو ڪردار سڄي سنڌ اڳيان آهي

13-تعليم اوهانجي نظر ۾
**تعليم قومن جي بقا, ترقي ۽ خوشحالي جي ضامن

14-سياست اوهانجي نظر ۾
**عوام جي بي لوث خدمت جو نالو سياست آهي

15-سماجيات اوهانجي نظر ۾
**سماجيات مان مراد جيڪڏهن سماجي خدمت آهي ته اها وڏي عبادت آهي

16-صحافت اوهانجي نظر
**صحافت هڪ مقدس پيشو آهي

17-ادب اوهانجي نظر ۾
**ادب انسان جي شعوري ۽ فڪري آبياري ڪري ٿو

18-شاگرد سياست اوهانجي نظر ۾
**شعوري سياست ۽انقلاب جو پهريون ڏاڪو

19-ڪتاب ۽ مطالعو اوهانجي نظر ۾
**ڪتاب جهڙو بهترين دوست ۽ مطالعي جهڙو آگھي ۽ ادراڪ جو ڪو ذريعو ناهي

20-ڪھڙي قسم جا ڪتاب پڙهڻ پسند ڪندا آهيو
**ادب, سياست, شاعري ۽ جا ڪتاب پڙهڻ پسند آهن

21-اڄ جي نوجوان مان ڪيترو مطمعن آهيو
**اڄ جي نوجوان مان نه صرف مطمعن پر الاهي پر اميد به آهيان

22-پسنديده شخصيت
**پنهنجي والد صاحب سيد وريل شاه جي شخصيت, جيڪو ليجنڊ پرسنالٽي هيو

23-پسنديده سياستدان
**شھيد ذوالفقار علي ڀٽو

24-پسنديده اديب ۽ شاعر
**هر گل جي پنهنجي خوشبوء آهي, سڀئي پاڻ ملهائين پيا

25-رتوديرو شھر جو ماضي, حال ۽ مستقبل اوهانجي نظر ۾
**رتيديري جو ماضي ته شاندار رهيو آهي, حال ۾ ڪجھ جهول آهن البته مستقبل لاء ضرور پر اميد آهيان

26-پنهنجي شھر رتوديرو لاء ڇا ٿا چاهيو
**چاهيان ٿو پنهنجو شھر پر امن ۽ خوبصورت هجي

27-اوهانجي نظر ۾ رتوديرو جو وڏي ۾ وڏو مسئلو
**رتيديري جو وڏي ۾ وڏو مسئلو امن امان آهي الله ڪري قبيلائي جهيڙا ۽ بدامني ختم ٿئي

28-رتيديري شھر جي اجتمائي مسئلن جي حل لاء ڪا تجويز
**شهرين جو ايڪو ۽ اتحاد هر مسئلي جو حل آهي

29-جيڪڏهن شھر جا چيئرمين ٿيو ته ڇا ڪندئو
**منهنجو والد صاحب به رتوديرو ميونسپل جو چيئرمين رهيو آهي جنهنجي دور ۾ سمورو شھر گندگي کان پاڪ صاف ۽ خوبصورت هوندو هو, جيڪڏهن مان چيئرمين ٿيان ته والد صاحب جي نقش قدمت تي هلي شھرين جي ڀرپور خدمت ڪندس

30-ڪو پيغام ڏيڻ چاهيندا
**پيغام اهو ڏيڻ چاهيندس ته هر شهري کي جيڪو جتي به آهي اهو پنهنجي شھر جي تعمير ۽ ترقي ۾ پنهنجي حصي جو ڪردار ادا ڪري.