عبد اللہ جروار
تعارفعبد اللہ جروار
جنم.:ڳوٺ صاحب خان جروار تعلقه ضلع ٽنڊي الهيار ۾
تعليم : ايم اي. ايم ايڊ
ملازمت : 10 سال پرائمري استاد مختلف اسڪولن ۾.
1992 کان جنوري 2018 تائين ايڇ ايس ٽي.
جنوري 2018ع کان 1 آگسٽ هيڊماستر هاء اسڪول مسو بوزدار ۽ تعلقه ايڊيوڪيشن آفيسر سيڪنڊري چمبڙ رهيس. 01 آگسٽ 2019 ع ملازمت تان رٽائرمينٽ ٿي.
ملازمت دوران جيترو ٿي سگهيو سچائي سان ڪم ڪرڻ جي ڪوشش ڪيم. ان ۾ ڪيتري ڪاميابي حاصل ٿي. ان جا شاهد منهنجا شاگرد آهن ٻا آهي جن دوستن سان گڏ ڊيوٽي ڪئي اهي آهن. ڪيترائي ايوارڊ حصي ۾ آيا . بيسٽ ٽيچر سرٽيفڪيٽ ۽ مڃتا سرٽيفڪيٽ ڪافي دفعا مليا. پر هن سال 14 آگسٽ 1019ع تي ڊپٽي ڪمشنر محترم رشيد احمد زرداري صاحب مون کي بيسٽ ٽيچر ايوارڊ شيلڊ جي صورت سان نوازيو.
هيستائين سمورو عرصو منهجي حوصلي مندي جو وڏو سبب بابا سائين آهي. اهو سڀ ڪجهه الله پاڪ جو انعام آهي. جنهن اسان جهڙن نالائقن کي نوازيو آهي.
ادبي ڪم
يادگيريون ڪافي لکيون اٿم جن کي سهيڙي ڪتاب ڇپائڻ جو ارادو آهي.
پراڻ فنڪارن جا وساريل ڪلام گڏ ڪرڻ وري منظر تي آڻڻ جي ڪوشش ڪريان پيو. جيئن نئون نسل انهن فنڪارن کان واقف ٿي سگهي.
ڪتاب پڙهڻ ۽ گڏ ڪرڻ جو شوق به پراڻو آهي. منهنجي لائبرري ۾ ڪافي ڪتاب موجود آهن. منهنجو پسند جو مضمون تاريخ ۽ تاريخي شخصيتون آهن. جن پنهنجي زندگي کي ڪنهن نه ڪنهن حوالي سان لاڀائتو بڻايو آهي.
ڊاڪٽر در محمد پٺاڻ صاحب جن جي شخصيت منهنجي لاء آئيڊيل رهي آهي. جن سان پراڻو تعلق هو جيڪو نيٽ دنيا برپا ٿيڻ سان ٻيهر جڙيو آهي.
منهجي به ڪوشش آهي ته وساري ڇڏيل ماضي جي دز ۾ گم ٿيل موسيقي کي ٻيهر منظر عام تي آڻجي اها ڪوشش جاري آهي. ڪافي دوستن حوصله افزائي ڪئي آهي.
پيغام
وقت جو قدر ڪجي. اجايو وقت وڃائڻ بجاء ڪنهن چڱي ڪم ۾ ڪتب آڻيو. زندگي نعمت آهي جيڪا غنيمت آهي هڪ دفعو ملي آهي. وري ملڻي ناهي.
شاھ سائين جو بيت دوستن لاء
جڏهانڪر ٿيام، ساڃاه سپيرين جي،
تڏهانڪر تر جيترو، ويل نه وسريام،
اندر روح رهيام، سڄڻ اوطاق ڪري
