ضمير عباس ابڙو: مختصر تعارف ۽ ويچار
ترتيب: مٺل جسڪاڻي
مهربان پڙهندڙو! ” فيس بوڪ انٽرويو“ سلسلو پنهنجي پهرئين اعلان مطابق جاري آهي، جيستائين به جاري رکي سگهيس، جاري رهندو. ڪنهن کي به، ٻئي ڪنهن به طريقي يا ذريعي، شرڪت جو سڏ نه ڏنو آهي، نه ئي ڏبو. ضمير عباس ابڙو کي آئون ڪنهن به حوالي سان نه سڃاڻان! فيس بوڪ انٽرويو سلسلي جو اعلان پوسٽ ڪيم، ته ان باڪس ۾ جيئن لکيائين، اهو ڪاپي ڪري پيسٽ پيو ڪريان ”سائين مھرباني ڪري منهنجي رڪويسٽ ايڪسپٽ ڪندا مهرباني ٿيندي منهنجو نالو ضمير عباس آ مان سنڌي ادب جو شاگرد آهيان سنڌ يونيورسٽي ۾ پڙهندو آهيان“. ان کان پوءِ انٽرويو جي سلسلي ۾ پڇيل سوال ۽ انهن جا جواب هيٺئين ريت لکي موڪليائين. مون پڙهي ڇڏيا آهن. اوهان پڙهي، پنهنجي مثبت راءِ ڏيندا، ته آئون ٿورائتو رهندس.
هتي مستقبل جي حوالي سان، منهنجي ارادي جو اظهار ڪرڻ ضروري ٿو سمجهان، ته هن نموني پهتل انٽرويو، ان صورت ۾ هلائبو، ته انٽرويو موڪليندڙ کي آئون، هڪ نه ته ٻئي، ڪهڙي به حوالي سان سڃاڻندو هجان. جنهن کي آئون ڪنهن به حوالي سان نه سڃاڻندو هوندس، ته ان جو انٽرويو، هلائڻ جهڙو هوندو، ته اهو، هي سلسلو بند ڪرڻ جي اعلان کان پوءِ، سڀني جي آخر ۾ هلائي، سلسلو بند ڪبو.
1. اوھان جو نالو؟
جواب. ضمير عباس ابڙو
2. ولديت ذات سميت؟
مير محمد ابڙو
3. رھائشي پتو (ڄمڻ جي تاريخ ۽ هنڌ سميت)؟
06 اپريل 1998ع، رحمت پور، لطيف ڪالوني، لاڙڪاڻو.
4. تعليم؟
بي اي آنرس سنڌي ادب (هلندڙ)
5. ڪرت (پيشو)؟
شاگرد
6. ترجيحاتي مصروفيتون، وندر؟
لکڻ، پڙهڻ، گمهڻ.
7. ليکڪ آھيو ته شاعر، ڪھاڻيڪار، ناول نويس، مضمون نگار يا ڇا ڇا لکندا آھيو؟ اوهان جو ڪو ڪتاب؟
ڪهاڻيون ۽ نثري نظم
8. مطالعي ۾ ڇا پڙھڻ کي اوليت ڏيو ٿا؟
تاريخ، فلاسافي، عالمي ادب، نفسيات.
9. سير سفر، اوھان جي نظر ۾؟
زندگي جو حصو آهي. جنهن مان اوهان کي زندگي کي سمجهڻ ۽ سکڻ ۾ وڌيڪ مدد ملي ٿي.
10. ڪچھريون، اوھان جي نظر ۾؟
ادبي ۽ ثقافتي اصلاحي هجڻ گھرجن.
11. ادبي تقريبون، اوھان جي نظر ۾؟
هر انسان جي تربيت جو حصو.
12. سماجي ڪم ۽ تقريبون، اوھان جي نظر ۾؟
زندگي جو اعلي مقصد.
13. اوھان جا عزيزن سان لڳ لاڳاپا ۽ رويا؟
ڏيو نٿا ته ڏکايو به نه بهترين.
14. اوھان جا سنگت ساٿ سان لڳ لاڳاپا ۽ رويا؟
سنگت کان سواءِ زندگي اڌوري آ ھميشه بهتر لاڳاپا ۽ رويا قائم جي ڪوشش.
15. اوھان جي پسند جو رنگ ۽ خوشبو؟
ڪارو ۽ اڇو. ڪردار جي خوشبو سڀ کان وڌيڪ وڻي آهي.
16. اوھان جي پسند جي سواري؟
هر اها سواري، جنهن ۾ سنگت ساڻ هجي.
17. اوھان جي اھڙي خواھش، جيڪا ٻڌائڻ پسند ڪريو؟
ہزاروں خواہشیں ایسی، کہ ہر خواہش پہ دم نکلے
18. مٽن مائٽن متعلق ڇا ٿا چاھيو؟
منافقت کان پاسو ڪريو. جيڪڏهن ڪنهن جي خوشي نٿا ڏئي سگهو، ته ڪنهن کي ڏک به نه ڏيو.
19. سنگت ساٿ لاءِ ڇا ٿا چاھيو؟
محبتون ونڊيو جيسين زندھ آهيو.
20. عام ماڻھو ڪيئن ۽ ڪھڙا ھجڻ گهرجن؟
هر انسان جي پنهنجي پنهنجي سوچ آهي، پر ماڻهو کي اهڙو هجڻ گهرجي جو، جيڪڏهن اوهان ڪٿان هليا وڃو، ته گهٽ ۾ گهٽ اوهان جي ڪردار جي خوشبو برقرار رهي.
21. اوھان ڪو پيغام ڏيڻ چاھيو، ته ضرور لکو؟
هر انسان سان محبت ونڊيو، ڪنهن به معاملي ۾ انتها پسندي کان پاسو ڪريو، جيترو ٿي سگهي، انسان سان محبت ۽ عزت سان ملو.
