گل حيات اداري ۾ موجود ميان مير چانڊيو جو ڪتاب ” سنڌي ادب جي تاريخ ۽ صنفن تي ھڪ نظر “ (2007) سندس ھي ڪتاب سنڌي ادب جي پارکن توڙي شاگردن لاءِ ھڪ اَملھ تحفو آھي.ميان مير چانڊيو انهن چند ليکڪن مان ھڪ آھي جنهن کي پوري ريت ڄاڻ آھي تہ ھو ڇا لکي رھيو آھي،ڇو لکي رھيو آھي ۽ ڪنهن لاءِ لکي رھيو آھي.ليکڪ موجب مون ھي ڪتاب لکي سنڌي ادب جي طالبن ۽ عام مھربانن پڙھندڙن جي گھرج کي پوري ڪرڻ جي ڪوشش ڪئي آھي.جيتوڻيڪ سنڌي ادب تي گذريل ڏيڍ صديءَ کان ھيستائين گھڻو ڪجھ ڪم ٿيو آھي ۽ ٿي رھيو آھي مانوارن اديبن وسان ڪين گھٽايو آھي.شاعري ۽ نثر جي تاريخ ۽ سنڌي ادب جي ھر پھلو تي ننڍا وڏا ڪتاب لکيا ويا آھن.مون انهن ڇپيل توڙي قلمي ذخيرن مان ڪيئي داڻان چونڊي ھي ڪتاب لکيو آھي.
(ممتاز پٺاڻ)
