فرزانہ شاھین 28 نومبر 1967 جنم تاریخ

سنڌي ٻوليءَ جي نامياري ليکڪا، شاعره، ڪھاڻيڪاره فرزانہ شاھين 28 نومبر 1967ع تي سکر ۾ جنم ورتو، ھن شاهه عبداللطيف يونيورسٽي خيرپور مان گريجوئيشن ۽ ماسٽرس ڪئي، ان کان پوءِ سنڌ جي تعليم کاتي ۾ ليڪچرار مقرر ٿي، ترقي ڪري پروفيسر جي عھدي تي پھتي آهي، سندس ڇپيل ڪتابن ۾ وجود جي ڳولا (ڪھاڻيون)، پھڻ پير پٿون (شاعري)، نيڻ آسائتا (شاعري)، مٽي ماٿي لايان (ڪھاڻيون)، نينھن جو نوحو (شاعري) وغیرہ شامل آهن..