هيء شخصيت جوهيء جي تاريخ جوهڪ اهم ڪردار آھي،1915ع ۾ جنم وٺندڙ ھن صوفي شاعر ۽ موسيقار سنڌيء ۾ ڪافي ڪلام چيو آھي، ڪافي ۽ ڏوهيڙي سان گڏ نظم جي صنف تي به سندس طبع آزمائي ٿيل نظر اچي ٿي.
سندس مشھور نظم جيڪو هن ذوالفقار علي ڀٽو جي اليڪشن کٽڻ جي خوشي ۾ لکيو هيو ته:، ( اچي وئي شير جي منزل گدڙ لومبڙ ڀڄي ويندا) اڄ به خاص ۽ عام ۾مشھور ۽ مقبول آھي ۽ اڄ به جيڪڏهن ڪو ظالم ،جابر ۽ فاشسٽ طاقتن سان ٽڪرائي سوڀ ماڻي ٿوته مرحوم بخشل فقير جي نظم جي اها سٽ دهرائي وڃي ٿي. سندس شاعري ۾ هر صنف خاص طور مرثيه، منقبت، غزل ۽ ڪافيون ملن ٿيون.
سنڌي ادب جي نامياري محقق ۽ اسڪالر ڊاڪٽر نبي بخش بلوچ پنهنجي ڪتاب {سنڌي موسيقي جي تاريخ } ۾ لکيو آھي ته بخشل زنگيشاهي ڪبت ۽ ٺمري جو تمام گهڻو ڄاڻو هيو ،افسوس جو سندس ڪلام ڇپجي منظر عام تي اچي نه سگهيو آھي.
هن 1981ع ۾ وفات ڪئي ،هن جيڪا علم ،ادب ۽ فن جي لاٽ روشن ڪئي ،ان جي روشني ڪڏهن به مرڻي ناهي
